مصراوى موتورز


إعلان: • نحيط علمكم أن التسجيل يكون بأسماء باللغة العربية فقط •
تنويه: للمسجلين الجدد : أثناء التسجيل الرجاء كتابة بريد إلكتروني صحيح، بحيث يجب تفعيل التسجيل من الرسالة التي تصلكم عبر البريد الإلكتروني و هذا حتى تتمكنو من كتابة المواضيع و الردود عليها
روابط مهمة: استرجاع كلمة المرور طلب كود تفعيل العضويه تفعيل العضوية



العودة   مصراوى موتورز > منتدى السيارات الاروبيه > رينو RENAULT

الملاحظات

رينو RENAULT صور سيارات رينو لوجان , جديد لوجان , سينيك كليو ميجان , سيمبول , سكالا , اسعار رينو , شراء رينو , بيع رينو .



إنشاء موضوع جديد  إضافة رد
 
أدوات الموضوع انواع عرض الموضوع
قديم 11-05-2011, 08:26 PM   #1
ابو حماده
عضو مؤسس
 
الصورة الرمزية ابو حماده
 
تاريخ التسجيل: Oct 2011
الدولة: EGYPT
المشاركات: 499
معدل تقييم المستوى: 53
ابو حماده is just really niceابو حماده is just really niceابو حماده is just really niceابو حماده is just really nice


رينو لوجان 2010 .. 1600 cc وطبعا 8 valve (صباب)



صورة دراع الاشارات والنور وبه زرار الكلاكس (فى طرف الدراع)


اضغط على الصورة لرؤيتها بالحجم الطبيعي


- تانى اكتر عيب مضايقنى فيها هو ثقل الدريكسون .. الباور تقيل بطريقة ملحوظة .. وكنت متوقع انه هيكون اخف من كده شويه (مع العلم انى كنت عارف انه تقيل من تجارب الاعضاء على منتدانا الغالى) ..
والعيب ده هيضايق اكتر الناس اللى متعوده انها تسوق بإيد واحده اغلب الوقت (زى حالاتى كده) او اللى كان معاه عربية الباور بتاعها اخف من كده واتعود عليه (زى حالاتى برضو مع الافانتى) ..


- تالت عيب مضايقنى فيها هو علو صوت موتورها .. وخصوصا مع الغيار الاول والتانى .. ولكن واضح ان ده الطبيعى بتاعه وانا تقريبا اتعودت عليه ..

واعتقد انى ملاحظ الموضوع ده لان الافانتى صوتها اهدأ شوية ...


-رابع عيب هو موضوع الازاز .... مش علشان مش فى الابواب .. لكن علشان الزراير مش مجمعة ..
يعنى علشان افتح الازازين اللى ورا من مكان تانى خالص عن اللى قدام (مفاتيح الازاز اللى ورا خلف فرامل اليد على طول) ..
والمشكلة ان الزرارين دول هما اللى هيستعملهم الركاب اللى ورا برضو .. يعنى السواق ملهوش وحده مستقلة بيه زى اغلب العربيات التانية ان لم يكن كلها ...

لكن عموما مع التعود ....... شغال يونيفيرسال ههههههه

صورة زراير الازازين الاماميين (الزرار اللى على الشمال خالص بتاع ازاز السواق .. والزرار اللى على اليمين خالص بتاع ازاز الراكب الامامى .. وتانى زرار من الشمال بتاع سخان الزجاج الخلفى الخاص بازالة التشبير (الصقيع) .. وتانى زرار من اليمين بتاع قفل وفتح سنتر الابواب ... وطبعا اللى فى النص مفتاح الانتظار

اضغط على الصورة لرؤيتها بالحجم الطبيعي


صورة مفاتيح التحكم فى ازاز الابواب الخلفية (خلف فرامل اليد) ..

اضغط على الصورة لرؤيتها بالحجم الطبيعي


- خامس عيب هو موضوع ظبط كرسى السواق .. علشان تعليه لفوق لازم تنزل من العربية .. او تتشعلق فى الدريكسيون وترفع نفسك .. لان الكرسى بيترفع زى كرسى المكتب بضغط الهوا مش نظام رافعة (بكر يعنى زى ما انا متعود فى الافانتى) ...


عموما انا دايما بكون منزله تحت خالص ..

وكمان مشكلة التحكم فى ظهر الكراسى الامامية (السواق والراكب) اللى بيرجع ويطلع عن طريق بكره تقعد تلفها علشان الظهر يرجع او يطلع معاك .. وده برضو غير عملى زى نظام الدراع اللى احنا متعودين عليه اللى بيرجع الظهر او يطلعه فى ثانية ..
بس عموما معظم العربيات الاوروبية كده ...

صورة بكرة التحكم فى ظهر الكراسى الامامية

اضغط على الصورة لرؤيتها بالحجم الطبيعي


دى تعتبر العيوب القوية اللى مضايقانى ...


نيجى بقى للعيوب النص نص - اولا: قله العزل ووضوح صوت الموتور وخصوصا انه اصلا صوته عالى ..

- ثانيا: الزنة اللى فى الدواسات برضو ساعات باخد بالى منها وبتضايقنى ..

- ثالثا الكاسيت الاوديو فقط برضو مضايقنى لان الـ CD الاوديو بتاخد بالدقايق مش بالميجا واخرها 80 دقيقة بس (يعنى الـ CD بتاخد حاجات قليلة جدا) ..
ولو انى مش بعتبره عيب اوى لان ممكن يتعالج بسهولة جدا بمجرد تغيير الكاسيت ...

- فتح الشنطة والتانك من الخارج برضو تعبونى شوية بس اتعودت عليها خلاص .. لان المشكلة عندى ان معظم العربيات اللى اتعاملت معاها بما فيهم الافانتى بتاعتى الشنطة والتانك من جوه ..

وكمان موقف طريف حصلى لما كنت بمون اول مرة رحت على الجنب اليمين من البنزينة (لانى متعود على كده مع الافانتى لان فتحة التانك فيها ورا السواق ع الشمال) وفى اللوجان على اليمين واضطريت انى الف من تانى وادخل من الجنب الشمال



ودى كانت اغلب العيوب اللى انا ملاحظها لغاية دلوقتى فى اللوجان ...

اظن كده هتقولولى انت عقدتنا فى العربية ههههههههه

استنو بس عليا .. الصبر طيب ....


نيجى بقى للمميزات اللى فى العربية (برضو من تجربتى الشخصية المتواضعة) ...


ــ اول حاجة من ناحية المواصفات :

اولا :
الموتور الاقتصادى بتاعها وكونه 8 صباب فهو موفر فى البنزين الى حد كبير وملحوظ بالرغم انه 1600 CC (بالمقارنة بعربيتى الافانتى الـ 1500 cc ولكن 16 صباب 2 كامة علوية) ..

ومع ذلك موتور اللوجان جيد عليها وبصراحة شديده كنت متصور ان اداؤه هيكون اقل من كده شويه وده شئ ممتاز فى عربية عمليه زى اللوجان .. لكن للاسف لما ركبت معايا ناس حسيت بفرق كبير وملحوظ جدا فى السحب عن لما بمشى لوحدى .. والفرق ملحوظ بدرجة كبيرة عن الافانتى لما بركب فيها ناس كتير ..

ثانيا :العفشة الرائعة بتاعت اللوجان واللى برضو فاقت تصوراتى بنعومتها وعلو العربية الكبير عن الارض .. فالعفشة ناعمة ومريحة جدا ... وعلوها الكبير بيعطى احساس فريد بالثقة عند اى مطب او تكسير فى الطريق ..

ولكن للاسف العفشة دى بتخلى العربية تميل جامد مع الملفات القاسية (برضو بالمقارنة بالافانتى) ..

ثالثا : وسع الشنطة الرهيب بمعنى الكلمة .. تحس من اول وهلة ان الحكاية فيها سحر لان الشنطة كبيره اوى على حجم العربية .. ولكن ده يرجع للتصميم المدمج العبقرى من رينو واللى فعلا خلانى ارفعلهم القبعة تحية لهم على التصميم والتوزيع الرائع جدا للمساحات فى اللوجان ...

ومع ان الشنطة واسعة جدا لكن برضو القعده فى الكنبة اللى ورا واسعة ومريحة جدا عن بقيه العربيات فى فئتها والكلام ده مع ترييح الكراسى الامامية .. واعتقد الميزة دى ميختلفش فيها اتنين لان الوسع فيها ملحوظ جدا ....


رابعا : بساطة غرفة المحرك بشكل كبير فهى منظمة بطريقة رائعة .. كل حاجة ظاهره قدامك ومفيش اى تعقيد .. بالرغم من ان طول الكبوت مش كبير ...
ولذلك هتكون صيانة العربية سهلة جدا باذن الله واى صنايعى هيعرف يشتغل فيها نظرا لبساطتها وقله التعقيد فيها .. كل حاجة فيها باينة وظاهرة وفى متناول اليد ..

صورة موتور اللوجان

اضغط على الصورة لرؤيتها بالحجم الطبيعي



ــ ثانى حاجة من ناحية الكماليات و الاستعمال بشكل عام :

العربية فيها كماليات ممتازة وعمليه جدا جدا بالمقارنة بسعرها و بالمقارنه بمنافساتها من نفس الفئة السعرية ...

اولا : كمبيوتر الرحلات الرائع بوظائفه السبعه .. شاشة عمليه جدا جدا ومفيده جدا للسائق ..

والشاشة دى بتظهر :

- المسافة المقطوعة من بداية الرحلة (منذ تصفير عداد الرحلات)

اضغط على الصورة لرؤيتها بالحجم الطبيعي

- متوسط السرعة منذ بداية الرحلة

اضغط على الصورة لرؤيتها بالحجم الطبيعي

- معدل استهلاك البنزين منذ بداية الرحلة

اضغط على الصورة لرؤيتها بالحجم الطبيعي

- المسافة المتبقية حتى نفاذ البنزين (وتحدد حسب معدل استهلاك البنزين)

اضغط على الصورة لرؤيتها بالحجم الطبيعي

- عدد لترات البنزين المستهلك منذ بداية الرحلة

اضغط على الصورة لرؤيتها بالحجم الطبيعي

- عداد الرحلات العادى

اضغط على الصورة لرؤيتها بالحجم الطبيعي

- عداد الكيلومتر الاساسى ....

اضغط على الصورة لرؤيتها بالحجم الطبيعي


والتحكم فيه بيكون عن طريق الزرار اللى فى طرف دراع المساحات ..

صورة دراع المساحات وزرار التحكم بالكمبيوتر

اضغط على الصورة لرؤيتها بالحجم الطبيعي



وده بجانب كمان عداد البنزين وعداد الحراره الديجيتال .. واللى بيقدموا قراءة اكثر دقة من العدادات الانالوج (التناظرية اللى بمؤشر يعنى)


ثانيا : تصميم لوحة العدادات جميل جدا وبسيط وعملى وعداد السرعة والـ RPM قرائتهم سهلة وواضحة ..

صورة لوحة العدادات بالليل

اضغط على الصورة لرؤيتها بالحجم الطبيعي




ثالثا : وضع الفتيس بالنسبة للسائق مكانه ممتاز ومرتفع .. عملى جدا ..

صورة الفتيس

اضغط على الصورة لرؤيتها بالحجم الطبيعي



رابعا : امكانية تحريك الدريكسيون لاعلى ولاسفل .. بس الامكانية دى محدوده جدا عن بقيه العربيات يعنى الدريكسون بيتحرك مسافة مش كبيرة .. ولما بيترفع بيبقى وضعه مش مظبوط خالص وبيبقى عالى اوى (شبة الميكروباصات) .. بس ممكن يناسب اللى هيرفع الكرسى على الاخر .. وبالمقارنة بالافانتى : اوطى وضع فى دريكسيون اللوجان = اعلى وضع فى دريكسيون الافانتى ..

عموما انا دايما بكون منزلة تحت خالص ...

صورة الدريكسيون فى اوطى وضع ليه ..

اضغط على الصورة لرؤيتها بالحجم الطبيعي



شوية دردشة عامة حول اللوجان :

- شئ جميل اوى ان فيها air bag للسائق .. ودى ميزة مش موجوده فى اغلب منافسيها فى نفس الفئة السعرية ..

- تكييف العربية معقول جدا (مش عارف اجربه كويس لان الجو لسه مش حر) .. انا حاولت اجربة فى يوم كان حر شوية فى وقت الظهر .. وكان كويس ومعقول جدا ..
المشكلة فيه بس ان فتحات خروج الهوا مش عملية ومش بتوزع الهوا كويس ...

صورة فتحات خروج الهوا

اضغط على الصورة لرؤيتها بالحجم الطبيعي


- ميزة التحكم فى ارتفاع وانخفاض توجيه ضوء الفوانيس الامامية ميزة لذيذة برضو ..

بس انا عندى مشكلة .. ان المفتاح بتاعها على اعلى درجة بس الفوانيس ممكن تعلى اكتر من كده .. يعنى الواير بتاعها محتاج ريجلاش وانا مش عارف منين لغاية دلوقتى ..

صورة بكره التحكم فى ارتفاع وانخفاض توجية ضوء الفوانيس الامامية

اضغط على الصورة لرؤيتها بالحجم الطبيعي




- تصميم اللوجان شكله شيك وعملى ما عدا الشبكة الامامية .. حاسس انها كبيرة شوية على العربية .. يعنى محتاجة عربية اكبر وافخم من اللوجان شوية ..

- شنطة اللوجان عالية حبتين وده بيعمل صعوبة فى ركن العربية .. محتاج شوية تعود فى الاول .. بس اعتقد ان علو الشنطة ده لزوم الثبات على الطريق ..

- اللوجان اوسع عربية فى فئتها بدون منافس .. واعلى كماليات فى فئتها ..
يعيبها ان الموتور اللى بتنزل مصر بيه 8 صباب والموتور الـ 16 صباب لسه منزلش مصر للاسف ...

- مساحة زجاج الابواب كبيرة شوية فى اللوجان (تشبة الماتريكس شوية) .. وده بيخلى اللى قاعد جوه ظاهر اكتر للى بره (بس مش لدرجة الماتركس) وده شئ بيقلل من خصوصية الركاب ..

- لمبات الاشارة فى التابلوة فيها حاجة مضايقانى شوية وهى ان السهمين (يمين وشمال) بينوروا مع بعض سواء كانت الاشارة يمين او شمال ..

- بالاضافة الى الفوج لايت (فوانيس الشبورة) الامامية الجميلة .. فيها فوج لايت خلفى (لمبة واحدة فى الفانوس الشمال) ..
واللمبة اللى زيها فى الفانوس اليمين دى لمبة المارشدير ... ودى برضو ميزة لذيذة منفرده بيها اللوجان على منافسيها ...

- لمبه الصالون فيها ميزة جميلة وعجبانى جدا انها لو مظبوطة على انها تفتح وتقفل مع الابواب .. بتنور اول ما نفتح العربية بالريموت وتفضل منورة بعد ما نركب ونقفل الباب لمده 30 ثانية او لغاية ما تفتح الكونتاكت ايهما اقرب ..

- وكمان لو فتحت العربية بالريموت ومفتحتش اى باب او الشنطة فى خلال 30 ثانية .. العربية هتقفل تانى من تلقاء نفسها ...

- لو سايب المفتاح فى الكونتاكت او سايب النور شغال (والعربية مبطلة) وفتحت الباب هتسمع نغمة تحذيرية 5 مرات علشان تفكرك تقفل النور او تاخد مفتاحك ...




ــ شوية صور متنوعة كده ع الماشى ..


صورة لمبات الصالون (لمبة للقراءه على اليمين ولمبه الصالون على الشمال) وبجانبها جراب لوضع النظارة ..

اضغط على الصورة لرؤيتها بالحجم الطبيعي


صورة زرار التحكم بالمرايات الجانبية (مرايات الابواب) وزرار منع فتح الزجاج الخلفى ..

اضغط على الصورة لرؤيتها بالحجم الطبيعي



صورة العدادات لما كانت لمبة البنزين منورة (لاحظوا مؤشر البنزين والقايمة اللى بتظهر عدد الكيلومترات المتبقية حتى نفاذ البنزين) والقايمة قبل ما تتحول لشرط كده كان باقى 56 كيلومتر .. يعنى العربية كان فيها حوالى 5 او 6 لتر بنزين اول ما نورت اللمبة ..

اضغط على الصورة لرؤيتها بالحجم الطبيعي




صورة لبطارية اللوجان ونوعها tudor وهى بطارية جافة ...

اضغط على الصورة لرؤيتها بالحجم الطبيعي


صورة قربة مياه التبريد وهى المكان الوحيد اللى يضاف منه الميه .. يعنى الريداتير ملهوش غطاء فى اللوجان ..

اضغط على الصورة لرؤيتها بالحجم الطبيعي


صورة مقياس مستوى زيت الموتور ...

اضغط على الصورة لرؤيتها بالحجم الطبيعي


صورة شداد واير الدبرياج ..

اضغط على الصورة لرؤيتها بالحجم الطبيعي




فى النهاية ..

انا الحمد لله عجبانى اللوجان جدا ومقتنع بيها كعربية عمليه وعائلية من الدرجة الاولى بالنسبة لسعرها وبالمقارنه بمنافساتها فى نفس الفئة (زى الفيرنا والانوس مثلا) نجد تفوق باهر من قبل اللوجان .. ولله الحمد على نعمه التى لا تحصى ....



ده كان تقريرى عن اللوجان اتمنى ان يحوز على اعجابكم ورضاكم .. وان يستفيد منه الجميع وخصوصا من هو مقبل على شراء اللوجان او يملك اللوجان بالفعل ...


الموضوع منقول للافاده
ابو حماده غير متواجد حالياً   رد مع اقتباس
قديم 11-15-2011, 02:10 AM   #2
ضياءالدين
المشرف العام
 
تاريخ التسجيل: Nov 2011
المشاركات: 443
معدل تقييم المستوى: 9
ضياءالدين is a jewel in the roughضياءالدين is a jewel in the roughضياءالدين is a jewel in the rough

جزاك الله كل خير
تحباتى واحترامى
ضياءالدين غير متواجد حالياً   رد مع اقتباس
إضافة رد

مواقع النشر (المفضلة)

الكلمات الدلالية (Tags)
2010, مفصل, لوجان, تجربه, تقرير, رينو, عن


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
جينيسس كوبيه يعني تتوفر بشكلين + تقرير مفصل بالصور masrawy هيونداي HYUNDAI 2 11-15-2011 03:17 AM
رينو لوجان اكسبريشن عمر المصرى رينو RENAULT 1 11-15-2011 02:50 AM
تقرير عن هيونداى اكسنت 2010 عمر المصرى هيونداي HYUNDAI 1 11-15-2011 02:32 AM
تقرير مصور عن هوندا أكورد 2010 ابو حماده هوندا HONDA 3 11-15-2011 02:13 AM
تقرير مصور عن لانسر 2010 ابو حماده متـسوبيـشى Mitsubishi 2 11-15-2011 01:57 AM


الساعة الآن 04:13 AM


Powered by vBulletin® Version 3.8.7 .Copyright ©2000 - 2013, Jelsoft Enterprises Ltd

الموقع غير مسؤول عن أي اتفاق تجاري أو تعاوني بين الأعضاء
فعلى كل شخص تحمل المسؤلية الكاملة تجاه ما يقوم به من تعاملات بيع او شراء او اتفاق
(مصراوي موتورز غير مسئول بأي شكل من الأشكال عن أي محتوى يقوم المستخدم بنشره على الموقع بمقتضى اشتراكه وتقع كافة المسئوليات القانونية والأدبية على عاتق المشترك )


RSS RSS 2.0 XML MAP HTML